自從前兩日IKEA佢自己開錯code，搞到部機run唔到，佢叫我搵職員，但係我有啲攰就叫佢去，佢就用口型講屌你老母xxx，然後我臨上巴士之前同佢講我好唔鍾意你咁樣，跟住佢就答返我你覺得係咁就咁囉，你當係啦。我就開始越嚟越睇佢唔順眼，發現佢郁啲小事就會講好大串粗口，有陣時明明開到啲好好傾嘅topic，但係次次都係由佢講冇我講，一有少少同佢角度唔啱，佢就好大意見講晒粗口好激動。或者討論緊啲嘢，我每次都要畫公仔畫出腸，佢先明少少，甚至乎完全唔明，比我嘅感覺就係佢完全冇思考過，冇嘗試去了解過我嘅諗法，一句唔明拋出嚟，就完晒成個topic。就發現同佢出街去玩去食飯都好，一啲意思都冇，唔係話見得越多越夾嘅咩，我發現同佢越嚟越唔夾，佢亦都好似唔想再花精神同精力去同我講嘢，對我嘅嘢完全零上心，零記得囉，連我哋兩周年紀念日，都係完全冇慶祝。佢日日淨係食飯瞓覺打機，唔煲劇唔睇書唔聽歌，有陣時我想搵嘢講都冇得講，我講咗覺得某劇好睇，某歌好聽，佢emoji俾我就算。例如今日同佢講我想學品清酒嘅知識啦，係一個好好同人吹水嘅話題，重點係我鍾意嘅嘢，佢就同我講就分得出好唔好飲咪算囉，落肚嘅嘢使乜咁注重，嗰刻係有啲灰囉。每日聽得最多嘅就係佢好眼瞓，佢好想瞓覺，佢好攰，食支煙先，冇啦。