你覺得她們下世再做母女機會大不大: 資深藝人李影驚傳於加拿大溫哥華不幸逝世，享年70歲。李影與前夫嘅兩個女兒都喺香港生活，大女沈穎婷喺社交媒體發文表示，佢同妹妹Vivian已經出發返加拿大辦理媽媽後事。 李影兩個女兒沈穎婷（右）及Vivian，已飛往溫哥華處理母親後事 李影兩個女兒沈穎婷（右）及Vivian，已飛往溫哥華處理母親後事 沈穎婷發文寫道「多謝大家關心，我同妹妹依家返緊去加拿大接媽媽回家。大家有心了！媽媽為人好低調，平時鍾意同朋友出去聽歌，唱歌，玩，唔希望大家會為咗佢唔開心太耐。無太多想講，希望外界畀啲空間我哋。唔夠幾個鐘就全香港都知其實係勁嘅。李影的確係威嘅，證明好多人都好錫媽媽。好幸運能夠做你的女兒，下世約你再繼續呢段緣分啦！」 而沈穎婷嘅妹妹Vivian都發文表達對媽媽。「李影今日好曳咁唔同我講電話就走了... 過咗幾個鐘就全香港都知... 我都話李影紅過家姐好多㗎啦... 知喇知喇... 知你靚女過我啦！我哋下世再做母女啦！李影... 我愛你！」 沈穎婷喺facebook悼念母親帖文寫道「唔夠幾個鐘就全香港都知其實係勁嘅。李影的確係威嘅，證明好多人都好錫媽媽。好幸運能夠做你的女兒，下世約你再繼續呢段緣分啦！」 沈穎婷喺facebook悼念母親帖文寫道「唔夠幾個鐘就全香港都知其實係勁嘅。李影的確係威嘅，證明好多人都好錫媽媽。好幸運能夠做你的女兒，下世約你再繼續呢段緣分啦！」 李影同前夫沈海鍵所生嘅2個女兒之中，大女沈穎婷2004年參加港姐入行，一度成為「TVB咪神」，但事業未見有起色，2010年淡出轉行做空姐。到2021年馬浚偉主演舞台劇《男人40 CEO》忽然又見沈穎婷參與演出。 李影死訊傳出後，同李相識多年、同樣居於溫哥華嘅黃淑儀代為公布死訊，Gigi姐透露李影日前喺屋企跌親，初時表示已係扭親腳，後來有朋友約李影但李爽約，朋友擔心之下上門探訪，李影瞓喺床上表示唔舒服而且想嘔，友人於是叫救護車，救護員上門後隨即急救，惜返魂乏術。